Vallarbraut 20, 260 Reykjanesbær
hjallatun@hjallatun.is
420 3150
Opnunartími : 07:30-16:15

Um leikskólann

Hjallatún tók til starfa í janúar 2001. Leikskólinn var upphaflega fjögurra deilda skóli en byggt var við hann árið 2014 og varð hann þá sex deilda skóli. Í Hjallatúni dvelja 114 börn samtímis á aldrinum 2ja til 6 ára og er boðið upp á sveigjanlega vistunartíma frá 4 tímum upp í 8,5 tíma vistun. Hjallatún er opinn leikskóli þar sem börn og starfsfólk flæða milli deilda.

Leikskólastjóri er Ólöf M. Sverrisdóttir
Aðstoðarleikskólastjóri er Arnbjörg E. Hannesdóttir

Hugmyndafræði

Námssvið leikskóla eru áhersluþættir í leikskólauppeldi. Þau eru hreyfing, málrækt, myndsköpun, tónlist, náttúra og umhverfi og menning og samfélag. Námssviðin skarast og eru þau samofin undirstöðuþáttum leikskólastarfs þ.e. leik, daglegri umönnun og almennri lífsleikni. Í Hjallatúni er leitast að flétta vinnuna með námssviðin inn í allt starf leikskólans. Í Hjallatúni höfum við það að leiðarljósi er að í hverjum manni býr auður og okkar hlutverk er að finna þann auð. Við viljum mæta einstaklingnum þar sem hann er sterkur og nýtur sín og leiða hann þaðan inn á brautir annars þroska þar sem hann hefur þörf á að styrkja sig. Til að ná þessum markmiðum styðjumst við kenningu Howard Gardners um fjölgreindarkenninguna.

Einkunnarorð leikskólans eru: Leikur - Lýðræði - Samskipti